Xristianların radikal nümayəndələri belə addım atmaqla əslində müqəddəs dəyərlərin daşıyıcısı olan dini gözdən salırlar

Bütün Qafqazin şeyxi Hacı Allahşükür Paşazadə Andres Breyvikin Norveçin paytaxtı Osloda törətdiyi terror aktı ilə bağlı bəyanat verib. Bütün Qafqazın şeyxi dünya xristianlarını belə qanlı əməllərdən çəkinməyə, dini və milli zəmində ayri-seçkiliyə yol verməməyə çağırıb.

Hacı Allahşükür Paşazadə xristian terrorçunun öz əməlindən peşman olmamasını olduqca təhlükəli əlamət hesab edərək bildirib ki, xristianların radikal nümayəndələri belə addım atmaqla əslində müqəddəs dəyərlərin daşıyıcısı olan dini gözdən salırlar.

Bütün Qafqazın şeyxi radikal xristianların, daha doğrusu onların keşişinin bir müddət əvvəl Quranın nüsxəsinə od vurmaq cəhdini də xatırladıb. Şeyx radikal xristiandların törətdiyi bu kimi hərəkətləri müsəlmanların müqəddəs kitabı olan "Quran-i Kərim"lə yanaşı, xristianların İncil kitabında da pisləndiyini bildirib.