Suriyadakı anti-türk əhval-ruhiyyəsi azərbaycanlı tələbələrə ciddi problem yaradıb

“Suriyada təhsil alan 60-a yaxın azərbaycanlı təhsilini tamamlaya bilməyib. Onlara ölkəni tərk etmək tövsiyə olunub”.

APA-nın xəbərinə görə, bunu jurnalistlərə Qafqaz Müsəlmanları İdarəsinin sədr müavini Hacı Sabir Həsənli deyib. O, hazırda Suriyada güclü anti-türk əhval-ruhiyyəsinin hökm sürdüyünü, bu səbəblə azərbaycanlı tələbələrin ölkədən çıxarıldığını bildirib. Eyni səbəb üzündən azərbaycanlı zəvvarların Həcc marşrutunun dəyişdirilməsi də qərara alınıb.