Birkinin çəkisi 24 ton 228 kiloqram olub

Yardımlı Rayon Polis Şöbəsinin (RPŞ) növbətçi hissəsindən Simsar.az-a verilən məlumata görə, Daxili İşlər Nazirliyi Baş Narkotiklərlə Mübarizə İdarəsinin Cənub Regional Şöbəsi ilə Yardımlı RPŞ əməkdaşlarının “Xaşxaş-2011” şərti adı altında keçirdikləri birgə əməliyyat-axtarış tədbirləri nəticəsində rayonun Arvana kəndi ərazisində, “Alvan” deyilən yerdə 220 hektar sahədə yabanı halda bitən 71 min 225 ədəd, ümumi çəkisi 24 ton 228 kiloqram olan yabanı xaşxaş kolu aşkarlanıb.