Rusiya prezidentinin maşını adaların üstünə yeridi

Rusiya prezidenti Dmitri Medvedevin iştirakı ilə yolda baş verən olayın görüntüləri internetdə yayımlanıb. 

Simsar.az-ın “Exo Moskvı” radiosuna istinadən verdiyi məlumata görə, olay ötən həftənin şənbə günü Tatarıstanda baş verib. 

Həmin vaxt prezident kortejini çoxminlik kütlə qarşılayıb. Kortejdəki avtomobillərin birində - “Mercedes ML” markalı maşının sükanının arxasında Dmitri Medvedevin özü əyləşib. Dmitri Medvedev avtomobildən çıxıb və bu an avtomobil birbaşa kütlənin üzərinə hərəkət etməyə başlayır.

Təhlükəsizlik xidmətinin əməkdaşları maşını əllə dayandırmağa çalışıblar. Dmitri Medevdev özü də onlara kömək edib. Kütlə qaçmağa başlayıb. Məlum olub ki, Rusiya prezidenti ötürmə qutusunu “drayv”dan “parkinq”ə keçirməyi unudub. Kreml hələ hadisə ilə bağlı şərh verməyib.