Hadisə İstanbul-Bakı reysində olub

İstanbul-Bakı reysini həyata keçirən təyyarə Trabzona təcili eniş edib. ANS PRESS-in türk mətbuatına istinadən verdiyi məlumata görə, buna səbəb iş məqsədilə Azərbaycana gələn mühəndisin göyərtədə infarkt keçirməsi olub. Hadisə həftənin bazar ertəsi baş verib. 

Belə ki, Bakıya gələn Asya İstanbullu adlı mühəndis özünü qəfildən pis hiss edib. Stüardessalar ona ilkin yardım göstərməyə çalışsalarda, ağrılar şiddətləndiyi üçün təyyarə qəza enişi etməli olub.

İstanbul-Bakı təyyarəsindən endirilən xəstəyə hava limanı həkimləri tərəfindən kömək edildikdən sonra o xəstəxanaya aparılıb və əməliyyat edilib. Həkimlərin sözlərinə görə, hazırda xəstənin səhhəti normaldır və o ən qısa zamanda Bakıya uça biləcək.