Azərbaycan boksçusu Salman Əlizadə Türkiyənin paytaxtı Ankarada kişilər arasında keçirilən Avropa çempionatında qızıl medal qazanıb.

Simsar.az-ın məlumatına görə, 49 kq çəki dərəcəsində çıxış edən 18 yaşlı boksçumuz finalda rusiyalı Belik Qalanovu məğlub edib. Bununla da ölkəmiz 18 ildən sonra ilk dəfə Avropa çempionatında qızıl medala nail olub. 1993-cü ildə Rövşən Hüseynov məhz Türkiyədə qitənin ən güclüsü olmağı bacarıb. Böyüklər arasında yeganə dünya çempionumuz isə 2003-cü ildə bu uğura nail olan Ağası Məmmədovdur. 


Bir qədər sonra daha bir boksçumuz Avropa çempionu ola bilər. Teymur Məmmədov (91 kq) finalda bolqarıstanlı Tervel Pulevi yenə bilsə, ölkəmizə ikinci qızıl medalı qazandıracaq. Bu halda ölkəmiz qitə çempionatını 2 qızıl, 1 bürünc medalla başa vuracaq. Ötən gün Heybətulla Hacıəliyev (64 kq) yarımfinalda uduzaraq bürünc medalla kifayətlənib.