POLİS KANALDA BATDI
Mingəçevir şəhərində polis əməkdaşı xidməti iş vaxtında kanalda bataraq ölüb Şəhər polis şöbəsindən verilən məlumata görə, hadisə ötən gün saat 16:00 radələrində Mingəçevir ərazisindən keçən Yuxarı Qarabağ kanalında qeydə alınıb. Mingəçevir şəhər Mühafizə Polisi Şöbəsinin polis serjantı, Yevlax rayonunun Ərəş kənd sakini 1987-ci il təvəllüdlü İsrafilov Həsən Comərd oğlu mənbəyini Mingəçevir Su Anbarından götürən Yuxarı Qarabağ kanalının ətrafında mühafizə xidməti aparan zaman naməlum şəraitdə yoxa çıxıb. Həsən İsrafilova məxsus “VAZ 2106” markalı minik avtomobili kanalın kənarında tapılıb. Onun polis geyimi və mobil telefonu da maşında aşkar edilib. H. İsrafilovun çimmək üçün kanala girdiyi və suyun çox iti sürətlə axdığı həmin ərazidə üzə bilməyərək batdığı ehtimal olunur. FHN-in Dövlət Sularda Xilasetmə Xidmətinin dalğıcları hazırda kanalda polis əməkdaşının meyitini axtarırlar.
23 İyun, 2011 16:25 ⁄ Baxılıb: 1172
Bu bölmədə19 Aprel, 2024 Mingəçevirdə 20 yaşlı oğlan bıçaqlandı18 Aprel, 2024 31 yaşlı kişi tövlədə özünü asdı17 Aprel, 2024 Aytən Səfərova yol qəzasına düşüb – Ölən var1 Mart, 2024 Göyçayda 1 nəfər kanalda batıb27 Fevral, 2024 Bakıda həkim sevgilisi ilə birgə xanımını döydü |