Şairin Türkiyədən nə vaxt dönəcəyini bilmir

Bu günlərdə 72 yaşını qeyd edən şair Vaqif Səmədoğlu ad günündən sonra Türkiyəyə yola düşməli olub. 

Simsar.az-ın məlumatına görə, ayaq damarlarının aterosklerozundan əziyyət çəkən şairə Bakıdakı həkimlər əməliyyatın qaçılmaz olduğunu deyiblər. O da əməliyyatı Ankarada etdirməyə üstünlük verib. Əməliyyat uğurlu keçib, şair indi özünü yaxşı hiss edir. Yavaş-yavaş ayağını yerə bassa da, Vaqif Səmədoğluna yeriməyə icazə yalnız 10 gündən sonra veriləcək. Şair “Facebook”dakı səhifəsində vətənə yalnız həkimlərin icazəsindən sonra qayıdacağını yazıb.


Məlumat üçün deyək ki, bu xəstəlik zamanı ayaqlarda damarlar yığılır və dəri üstünə çıxır.