Ertuğrul Sağlam da polisə getdi

Ötən gün barəsində həbs qərarı çıxarılan "Bursaspor" klubunun prezidenti İbrahim Yazıcı saxlanılıb. Fanat.az xəbər verir ki, saxtakarlıq və çirkli pulların yuyulması ittihamı ilə Bursa Prokurorluğunun haqqında həbs qərarı çıxardığı klub rəhbəri bu gün Bursa Polis İdarəsinə gəlib. Yazıcı dərhal polis tərəfindən həbs olunub.
Onunla yanaşı "Bursaspor"un baş məşqçisi Ertuğrul Sağlam da şöbəyə gəlib. Polis İdarəsində jurnalistlərin suallarını cavablandıran baş məşqçi "İstefa verməyi düşünürsünüz" sualına "Bunu yaxınlarda dəyərləndirəcəyəm" deyib.
Qeyd edək ki, ötən gün "Bursaspor"un genel müdiri Osman Nuri Biçer, vitse-prezident Haluk Özkıyıcı, "Bursaspor TV"nin rəhbəri Mehmet Gerçeksi, İdarə Heyətinin üzvü Öztürk Yazıcı, klub vəkili Jale Demir və mühasib Sema Çavuşoğlu həbs olunub.