İki şöbə müdiri Ümid partiyasından getdi

Ümid Partiyasının beynəlxalq şöbəsinin müdiri Qaya Əliyev və ideoloji şöbənin müdiri İxtiyar Abdalov partiyadan istefa veriblər. Simsar.az-ın məlumatına görə bu barədə  Qaya Əliyev “Bizim yol” qəzetinə açıqlamasında bildirib. O bildirib ki, partiyanın siyasi və strateji xətti ilə razılaşmadığına görə istefa verib: “Biz ümummilli maraqları partya və korporativ maraqlarımızdan üstün tuturuq. İstefalarda başqa səbəb və niyyət axtarmaq doğru deyil”.

Qaya Əliyev Ümid Partiyasından bundan sonra da istefaların olacağını istisna etməyib: “Hər şey ola bilər. Biz sadəcə siyasi müqavimət yolunu seçmişik. Bir var partiyada siyasi fəaliyyət, bir də var siyasi mübarizə. Bunlar ayrı-ayrı məsələlərdir. Partiyada olmaq bir növ siyasi fəaliyyətdir”.