Mirça Rednik islahatlara başladı

"Xəzər Lənkəran"ın heyətində islahatlara start verilib. Fanat.az xəbər verir ki, Lənkəran klubu 8 futbolçusu ilə yollarını ayırmaq qərarına gəlib.
Belə ki, "Xəzər Lənkəran" rumın müdafiəçi Kosmin Frasinesku, portuqaliyalı arxa xətt oyunçusu Simao Bruno, rumıniyalı yarımmüdafiəçilər Nikulae Muşat və Xristu Kyakunun müqaviləsini artırmayıb.
Daha dörd futbolçu ukraynalı qapıçı Yevegeni Kopil, alban müdafiəçi Elvin Beqiri, rumın yarımmüdafiəçi Stelian Stanku və qvineyalı orta sahə oyunçusu İbrahima Banqura transferə çıxarılıb.
"Xəzər Lənkəran" rəhbərliyi komandanı tərk edən oyunçulara göstərdikləri oyuna görə təşəkkürünü bildirib və gələcək karyeralarında uğurlar arzulayıb.
Xatırladaq ki, bu gün günorta saatlarında Fanat.az Kosmin Frasinesku, Nikolae Muşat, Stelian Stanku, Xristu Kyaku, Yevgeni Kopil, Simao Bruno və İbrahima Banquranın komandadan gedəcəyi ilə bağlı xəbər yaymışdı. Qarşıdakı günlərdə Manuel Skarlatake, Andrey Mureşan, Adrian Pit və Katalin Domanın da yola salınması mümkündü.