Abel Məhhərrəmov: "Gənc nəsil öz borcunu vaxtında başa düşür və Heydər Əliyev addımları ilə irəli gedir"

Bakı Dövlət Universitetinin (BDU) Tələbə Gənclər Təşkilatının təşəbbüsü və Azərbaycan Tələbə Gənclər Təşkilatları İttifaqının dəstəyi ilə Heydər Əliyevin anadan olmasının 88-ci ildönümünə həsr olunmuş Gül Festivalı keçirilib. APA-nın məlumatına görə, tədbirdə çıxış edən BDU-nun rektoru Abel Məhərrəmov bildirib ki, festivalda paytaxtdakı əksər ali məktəblər təmsil olunub: “Bu gənclərin əksəriyyəti ümummilli lideri görməyib. Tələbələr ümummilli liderimizi necə təsəvvür etdiklərini göstərməyə çalışıblar. Bu tədbir onu göstərir ki, bu gün gənclik düzgün yoldadır, gənclər ümummilli liderimizin müəyyənləşdirdiyi ideya ilə yaşayırlar. Bu da ondan xəbər verir ki, Azərbaycanın böyük, işıqlı gələcəyi var. Bu gənclər Azərbaycanın bayrağını ən yüksək zirvəyə qaldıra biləcəklər. Bizi sevindirən odur ki, gənc nəsil öz borcunu vaxtında başa düşür və Heydər Əliyev addımları ilə irəli gedir”.