Cənubi Koreyanın sabiq prezidenti Ro De Unun ağ ciyərində Çin iynəbatırma təbabətində istifadə olunan iynə tapılıb

Güclü öskürəkdən şikayətləndiyi üçün xəstəxanada yerləşdirilən Cənubi Koreyanın sabiq prezidenti Ro De Unun ağ ciyərində Çin iynəbatırma təbabətində istifadə olunan iynə tapılıb. 

Simsar.az-ın “Telegraph” qəzetinə istinadən verdiyi məlumata görə, öskürəyin səbəbini tapa bilməyən Sel Milli Universitetinin xəstəxanasının həkimləri cərrahi əməliyyat keçirilməsinə qərar veriblər və cərrahi əməliyyat zamanı iynəni aşkarlayıblar. 

Həkimlər sabiq prezidentin ağ ciyərinin sağ hissəsində 6,6 santimetr uzunluqda iynə görən zaman təəccübləniblər. İynə çıxarılandan sonra Ro De U özünə gəlib və bu həftənin birinci günü xəstəxanadan evə buraxılıb. Ancaq hələ də 6,6 santimetr uzunluqda iynənin 78 yaşlı sabiq prezidentin ağ ciyərinə necə düşdüyü müəmma olaraq qalır. Çində iynələrlə müalicə üzrə ixtisaslaşan mütəxəssislər bildiriblər ki, onların həyata keçirdikləri prosedurlar heç biri iynənin ağ ciyərə batmasına gətirib çıxara bilməz.

Qeyd edək ki, Ro De U 1988-1993-cü illərdə Cənubi Koreyanın prezidenti olub. O, 2002-ci ildə prostat vəzisində xərçəng aşkarlandığı üçün əməliyyat olunub.