Futbol üzrə Çempionlar Liqasında ilk finalçı müəyyənləşib

Simsar.az-ın məlumatına görə, İspaniyanın “Barselona” klubu əzəli rəqibi “Real Madrid”i yarımfinal mərhələsində mübarizədən kənarlaşdırıb. 

“Nou Kamp” stadionunda baş tutan cavab qarşılaşmasında heç-heçə qeydə alınıb – 1:1. Lakin “Barsa” ötən həftə “Santyaqo Bernabeu”da keçirilmiş ilk görüşdə 2:0 hesabı ilə qalib gəldiyi üçün finala yüksəlib.

“Barselona” (İspaniya) – “Real Madrid” (İspaniya) – 1:1
Pedro Rodriges, 54 – Marselo, 64
İlk görüş - 2:0.

Mayın 28-də İngiltərənin paytaxtı Londondakı “Uembli” stadionunda keçiriləcək həlledici görüşdə Kataloniya komandasının rəqibi bu gün müəyyənləşəcək. Finala vəsiqə uğrunda İngiltərənin “Mançester Yunayted” və Almaniyanın “Şalke 04” klubları arasında təşkil ediləcək təkrar yarımfinal oyununun qalibi olacaq. İlk görüşdə 2:0 hesablı qələbə qazanan “qırmızı şeytanlar” “Şalke 04” səddini keçəcəkləri halda, 2008-2009-cu il mövsümünün finalı təkrarlanacaq. Həmin vaxt finalda “Barselona” 2:0 hesabı ilə qalib gəlmişdi.