Simsar.az | bizi özünüzə Simsar bilin
“Barselona”nın 6 futbolçusuna cəza tələb edildi

“Real Madrid” klubu “Barselona”nın 6 futbolçusuna intizam sanksiyasının tətbiqi xahişi ilə UEFA-ya şikayət edib

Simsar.az-ın məlumatına görə, həmin futbolçular Daniel Alveş, Serxio Buskets, Pedro Rodriges, Xavyer Maskerano, Seydu Keyta və Viktor Valdesdir. 

Alveş, Buskets və Pedronun 2, Maskerano, Keyta və Valdesin 1 oyunluq cəzalandırılması istənilib. “Kral klubu” rəsmilərinin fikrincə, bu futbolçular Çempionlar Liqasının ilk yarımfinal matçında idmançıya yaraşmayan hərəkətə yol veriblər. Eyni zamanda “Barsa”nın baş məşqçisi Xosep Qvardiolanın cəzalandırılması xahiş edilib. “Real Madrid”də hesab edirlər ki, futbolçuların belə davranışı Qvardiolanın qurduğu taktikanın bir hissəsi olub.

Kataloniya komandasının 2:0 hesabı ilə qalib gəldiyi oyunun gedişində futbolçular arasında toqquşmalar baş verib. Fasilə zamanı idmançıya yaraşmayan hərəkəti üzündən “Barselona”nın ehtiyat qapıçısı Xose Pinto texniki zonadan qovulub. İkinci hissədə “Ral Madrid”in futbolçusu Pepe qırmızı vərəqə alıb. Buna etiraz edən baş məşqçi Joze Mourinyo tribunaya göndərilib.

UEFA İntizam Komitəsi “Real Madrid”in şikayətinə mayın 2-də baxacaq. Qərarın mayın 3-də Barselonada keçiriləcək cavab görüşünədək çıxarılacağı gözlənilir.

3 May, 2011  02:36 Baxılıb: 1280

Bu bölmədə