Toplantının vaxtı bilindi

İslam partiyasının sədr əvəzi Elçin Manafovun Simsar.az-a verdiyi məlumata görə, Baş Məclisin toplantısı mayın 8-də keçiriləcək. Onun sözlərinə görə, toplantının bu günə salınmasında xüsusi bir məqsəd var: “Biz bütün toplantılarımızı əlamətdar günlərdə keçirməyə çalışırıq. Mayın 8-i Şuşanın işğalının növbəti ildönümü olduğu üçün toplantımızı bu tarixdə keçirmək qərarına gəldik. Biz hər zaman bəyan etmişik ki, xalqımızın ən ağrılı problemi Qarabağ problemidir və partiyamız öz fəaliyyətini daim bu istiqamətdə davam etdirib”.

Baş Məclisin toplantısında Şuşanın işğal günü ilə bağlı da anım mərasimi keçirəcəklərini bəyan edən E.Manafov toplantıdan sonra Şəhidlər Xiyabanını ziyarət edərək, şəhidlərin ruhu qarşısında baş əyəcəklərini bildirib.