Zaqatala rayonunda qanunsuz dini ədəbiyyat satışı ilə məşğul olan Tərtər rayon sakini saxlanılıb. Bu barədə APA-nın Şəki-Zaqatala bürosuna Zaqatala Rayon Polis Şöbəsindən (RPŞ) məlumat verilib.

Məlumatda bildirilir ki, 28 yanvar 2011-ci tarixdə saat 13.00 radələrində Tərtər şəhər sakini 1986-cı il təvəllüdlü Babayev Sirac Muxtar oğlu Zaqatala rayonu Yuxarı Tala kəndi ərazisində səyyar şəkildə özünə məxsus “VAZ-21074” markalı 90 ED 517 dövlət nömrə nişanlı avtomaşınla Azərbaycan Respublikası İnzibati Xətalar Məcəlləsinin(İXM) 300-cü maddəsinin tələbinə zidd olaraq, yəni müvafiq icra hakimiyyəti orqanının razılığı olmadan qeyri qanunu dini ədəbiyyatlar satarkən Zaqatala RPŞ-nin əməkdaşları tərəfindən saxlanılıb.

Sırac Babayevə məxsus avtomaşına baxış keçirən əməliyyatçılar oradan xeyli miqdarda müxtəlif adlarda dini ədəbiyyatlar, disklər dini əşyalar aşkar edərək götürüblər.

Faktla bağlı Zaqatala RPŞ-nin istintaq bölməsində araşdırma aparılır.