DÜNYA MƏTBUATI "FƏNƏRBAXÇA"DAN YAZDI
İstanbul klubu tarixə düşüb Türkiyənin tanınmış klublarından olan “Fənərbaxça”nın qadın və uşaq tərəfdarları futbol tarixinə düşüb.Dünən Türkiyə Super Liqasının III turu çərçivəsində keçirilən “Fənərbaxça”-“Manisaspor” matçı qadın və uşaqlar günündə xüsusi maraq oyadıb.Bu ölkənin Futbol Fedarasiyası Assosasiyası “Fənər”in “Şükrü Saracoğlu” stadionunda oynayacağı iki matçın tamaşaçısız keçirilməsi barədə qərar çıxarıb. Amma qurum sonradan qərarına dəyişiklik edərək oyunlardan birində qadın və uşaqların pulsuz olaraq qarşılaşmanı izləməsinə icazə verib. Bu məqsədlə əvvəl 14 min bilet hazırlansa da, tələbat çox olduğundan qalan yerlərə bilet çap olunub. Nəticədə matç zamanı “Şükrü Saracoğlu”na rekord sayda - 46 min qadın və uşaq gəlib. Zərif cinsin nümayəndələri kişilərdən heç də geri qalmayaraq, tarixinin ən pis günlərini keçirən sevimli komandalarına dəstək olub. Hətta səsdən futbolçular ara-sıra hakimin fitini də eşidə bilməyib.
22 Sentyabr, 2011 01:41 ⁄ Baxılıb: 960
Bu bölmədə4 Dekabr, 2023 Heydər Əliyev ili çərçivəsində növbəti turnir20 Noyabr, 2023 Millimiz Avropa çempionatında rekordunu yenilədi4 Noyabr, 2023 Vüqar Nadirov yeni futbol klubu yaradıb |