Məşhur boksçu öldü
Boris Kipianinin 79 yaşı vardı Boris Davidoviç Kipiani 20 noyabr 1932-ci ildə Bakıda anadan olub. O, dəfələrlə Azərbaycan çempionu, ümumittifaq və beynəlxalq yarışların qalibi və mükafatçısı olub, gənclər arasında SSRİ birinciliyinin qızıl medalına layiq görülüb. Bu yüksək idman nailiyyətlərinə görə ona SSRİ idman ustası adı verilib. Azərbaycan Döğvlət Bədən Tərbiyəsi İnstitutunu bitirdikdən sonra məşqçilik fəaliyyəti ilə məşğul olub, onlarla yüksək dərəcəli idmançılar yetişdirib. Uzun illər Azərbaycan və Türkiyə yığma komandalarının məşqçisi kimi çalışıb. O məşqçilik fəaliyyəti ilə yanaşı müxtəlif miqyaslı yarışlarda fəal hakimliklə də məşğul olub. Son zamanlar Boris Kipiani Azərbaycan Neft və Kimya İnstitutunun Bədən Tərbiyəsi kafedrasında çalışdığı müddət ərzində bir sıra əhəmiyyətli elmi araşdırmalar aparıb, onlarla metodiki və tədris vəsaiti hazırlayıb.
12 Sentyabr, 2011 22:24 ⁄ Baxılıb: 1207
Bu bölmədə4 Dekabr, 2023 Heydər Əliyev ili çərçivəsində növbəti turnir20 Noyabr, 2023 Millimiz Avropa çempionatında rekordunu yenilədi4 Noyabr, 2023 Vüqar Nadirov yeni futbol klubu yaradıb |