Onlar 8 nəfər olub

Abşeron rayonu ərazisində oğurluqla məşğul olan dəstə zərərsizləşdirilib. Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, “Azərbaycan Duz” İstehsalat Birliyinin ərazisində duz oğurlamaq istəyən 8 nəfər yaxalanıb.

Məlumata görə, Masazır qəsəbə sakinləri Vüsal Mürşüdov, Aqil Abbasov, Ülfüqar Rəsulov, Novxanı qəsəbə sakini Kamran Hacıyev, Cəlilabad rayon sakinləri Əlifağa Rəhimov, Fikrət Əmirov, Salyan rayon sakinləri Mahir Əsədov və Əmikişi İbadov həbs edilib. Həmin şəxslər duz oğurluğu planı həyata keçirmək istəyərkən saxlanılıblar.