“Qalatasaray” prezidenti Ünal Aysal son günlər sarsıntı içində olan əzəli rəqibləri “Fənərbaxça”ya dəstək verib.

“Sarı-qırmızılı” klubun rəhbəri komandaları “Fənər”dən futbolçu “oğurlamamağa” çağırıb.

Aysal bildirib ki, onlar xoşagəlməz halla üzləşdiyindən fürsətdən istifadə etmək düzgün deyil və “Qalatasaray”ın “Fənərbaxça”lı futbolçularla maraqlanması da yalnız şayiədir: “Biz rəqibimizin heç bir futbolçusuna elçi düşməmişik. Belə bir vaxtda fürsətdən yararlanmaq fikrimiz də yoxdur. “Fənərbaxça”lı futbolçulara da məsləhətim var. Onlar əgər komandadan getmək fikrinə düşüblərsə, bu qərarı yenidən nəzərdən keçirsinlər. Amma sərbəst qalsalar belə, mən “Fənərbaxça”dan futbolçu almaram”.

Qeyd edək ki, Çempionlar Liqasından kənarlaşdırılan “Fənərbaxça” Super Liqa ilə də vidalaşa bilər.