Litvanın Baş naziri Andryus Kubilyus gələn həftə Bakıda ikitərəfli əməkdaşlığın perspektivləri haqqında danışıqlar aparacaq

Bu barədə diplomatik mənbə məlumat verib.

Litvanın Baş naziri iyulun 5-də Azərbaycan tərəfi ilə ticari-iqtisadi əməkdaşlıq, o cümlədən energetika sahəsində məsələləri müzakirə etmək fikrindədir.

Litvanın "AB Klaipedos Nafta" şirkəti ARDNŞ (Azərbaycan Respublikası Dövlət Neft Şirkəti) ilə birgə Odessa-Brodı-Plosk-Qdansk neft nəqli dəhlizinin inkişafı ilə məşğul olan "Sarmatia" beynəlxalq boru kəməri şirkətinin iştirakçısıdır. Odessa-Brodı neft kəməri ilə artıq Azərbaycan neftinin Ukraynaya və Belarusa nəqlinə başlanılıb.

Azərbaycan Dövlət Gömrük Komitəsinin məlumatına görə, 2011-ci ilin yanvar-may aylarında Azərbaycanla Litva arasında mal dövriyyəsi 7,6 milyon dollar təşkil edib. Bununla yanaşı, Azərbaycandan 3,659 milyon dollarlıq mal ixrac, 3,973 milyon dollarlıq mal isə idxal olunub.