Yene de Bibiheybet
İctimai Palatanın (İP) iyunun 19-na təyin etdiyi aksiya ilə bağlı Bakı Şəhər İcra Hakimiyyətinə (BŞİH) göndərdiyi müraciətinə cavab verilib.
Bu barədə APA-ya İP-ə daxil olan Müsavat Partiyasının Təşkilat şöbəsinin müdiri Zöhrab Məhərrəmli bildirib.
BŞİH “Nərimanov” kinoteatrının qarşısındakı meydanda kütləvi etiraz aksiyası keçirməyə razılıq verməyib. Əvəzində aksiyanın Bibiheybət qəsəbəsi, 20-ci sahə yaşayış massivi, Elçin Əzizov küçəsində yerləşən Sürücülük Məktəbinin həyətindəki meydançada keçirilməsi təklif edilib.
İctimai Palatanın katibi, Müsavat Partiyası başqanının müavini Gülağa Aslanlı isə APA-ya deyib ki, razılaşdırılmamış aksiyanın keçirilib-keçirilməyəcəyi barədə qərar İP Koordinasiya Şurasının bu gün keçiriləcək toplantısında veriləcək.