Sipark İnşaat şirkəti həyata keçirtdiyi pilot layihələrdə işlərini sürətlə davam etdirir. Bu barədə şirkətin İctimaiyyətlə Əlaqələr şöbəsindən İradə Nurəddinqızı məlumat verib. Onun sözlərinə görə Həsən Əliyev adlı Layihə demək olar ki tamamlanmaq üzrədir. "Hazırda Həsən Əliyev Layihəsində pəncərələrin qoyulması və fasad işləri aparılır. Layihənin liftləri də tezliklə quraşdırılacaq. Mart ayına mənzillərin təmirə təhvil verilməsi nəzərdə tutulur."

Şirkətin həyata keçirdiyi digər pilot layihədə də tikintinin davam etdirildiyini bildirən nümayəndə bu yaşayış kompleksinin isə ilin sonuna təhvil veriləcəyini deyib. "Təbriz Layihəsinin A,B,C bloklarında tikinti 15- ci mərtəbəyə çatdırılıb. Digər 3 blokda isə sürətlə tikinti gedir. Onu da qeyd edim ki, pandemiya şəraitində və Vətən müharibəsi dövründə də tikintilərdə işlər dayanmayıb."