FHN-in xəstəxanasında oksigen stansiyası xarab oldu: ölənlərin olduğu bildirilir
FHN-in Zığda yerləşən modul tipli xəstəxanasında sistemin sıradan çıxması nəticəsində xəstələrin oksigensiz qaldığı deyilir. AFN-ə məlumat verən xəstə yaxınları bildirirlər ki, bir neçə saat əvvəl xəstəxananın 17, 18 və 19-cu korpuslarını əhatə edən oksigen stansiyası sıradan çıxıb. Hazırda sistemdə yaranan nasazlığın aradan qaldırılması üçün iş getsə də, bu müddət ərzində xeyli sayda karonavirus xəstəsinin öldüyü iddia edilir. Xəstə yaxınlarının sözlərinə görə, xəstəxana qarşısında kütləvilik var: "Xəstələrin ailələri burdadır, qarışıqlıq yaranıb". Məlumat redaksiyamıza gec saatda daxil olduğundan qarşı tərəflə dəqiqləşdirmək imkanımız olmadı. Qeyd edək ki, xəstəxana 2277 çarpayıdan ibarətdir. Hazırda orada minlərlə xəstənin müalicə aldığı bildirilir.
17 Dekabr, 2020 14:24 ⁄ Baxılıb: 2069
Bu bölmədə1 Mart, 2024 Göyçayda 1 nəfər kanalda batıb27 Fevral, 2024 Bakıda həkim sevgilisi ilə birgə xanımını döydü22 Yanvar, 2024 33 yaşlı kişi itkin düşüb - SUMQAYITDA31 İyul, 2023 DSX-nin əsgəri dünyasını dəyişib22 Noyabr, 2022 Lənkəranda narkotik satışına görə 19 nəfər saxlanılıb |