AzTV Nazirlər Kabinetinin Operativ Qərərgahının xüsusi karantin rejimi qaydalarını kobud şəkildə pozub. Kollektiv bir neçə gün öncə, təxminən  6 may tarixində karantin dövründə müvəqqəti fəaliyyətini dayandırılan Musiqili Teatrın binasını açdıraraq, 80 nəfərdən ibarət çəkiliş ediblər.

Çəkiliş zamanı xüsusi karantin rejiminin qaydalarına əsasən ara məsəfəsi saxlanılmayıb və üz maskalarından istifadə edilməyib.

Çəkilişdə Simfonik Orkestr və Xor kollektivi o cümlədən bir neçə ifaçılar da iştirak edib. Həmçinin kanalın aparıcısı Kamran Ağabalayev də çəkilişdə olub.

Məsələ ilə bağlı Azərbaycan Televiziyasının Musiqi kollektivinin rəhbəri, əməkdar artist Zaur Əmiraslanov bildirib ki, çəkiliş karantin qaydalarının tədbiq edilməsindən əvvəl baş tutub. Lakin xatırladaq ki,  xalq artisti Faiq Ağayev təxminən 5 gün əvvəl sahib olduğu yeni saç tərzi ilə sözügedən proqramda çıxış edib. Həmçinin xalq artisti Tünzalə Ağayevanın da yeni imici məhz karantin zamanına təsadüf edir.