Simsar.az | bizi özünüzə Simsar bilin
İraq koronavirusa görə İranla sərhəddi bağladı

Qonşu İranda koronavirus sürətlə yayılmaqdadır. Yeniavaz.com xarici KİV-ə istinadla xəbər verir ki, Qum şəhərində iki nəfərin ölməsindən sonra, daha iki nəfər bu virusdan dünyasını dəyişib. Səlahiyyətli şəxslər sonuncu iki ölümün hansı şəhərdə qeydə alınması haqqında açıqlama verməyib. Virusa yoluxanların sayı isə artıq 18 nəfərə çatıb. Buna görə İraq hökuməti İranla sərhəddi bağlayıb və növbəti 3 gün ərzində iranlıların İraqa girişi qadağan edilib.

Koronavirusun meydana çıxdığı Çində isə qurbanların sayı 2345-ə yüksəlib, 20 659 adam isə sağalıb və xəstəxanalardan xaric edilib. Bu barədə Çinin Dövlət Səhiyyə Komitəsi açıqlama verib. Bildirilib ki, son 24 saat ərzində daha 109 nəfər bu virusdan dünyasını dəyişib. Eyni müddətdə sağalanların sayı isə 2393 nəfər olub. Ölkədə bu virusa yoluxanların ümumi sayı isə 75 891 nəfərə çatıb.

22 Fevral, 2020  11:54 Baxılıb: 1242

Bu bölmədə