YAP icra katibinin müavini: “Səfirlər Azərbaycanın daxili işlərinə qarışmamalıdırlar”

“İyunun 10-da Azərbaycanda fəaliyyət göstərən diplomatik korpus nümayəndələrinin İctimai Palatanın nümayəndələri ilə görüşü onların mandatlarına daxil olan məsələdir.

Burada başqa bir şey yoxdur. Ancaq söhbət ondan gedir ki, nəyə görə həmin səfirlər, diplomatlar qaçqınlarla və başqa-başqa qruplarla görüşmürlər?” Bunu APA-ya açıqlamasında hakim Yeni Azərbaycan Partiyasının (YAP) icra katibinin müavini Siyavuş Novruzov deyib. İctimai Palatanın qeyri-rəsmi qurum olduğunu deyən S. Novruzov bildirib ki, Azərbaycana təyin olunan səfirlərin marağı ölkələrarası, yaxud ölkə ilə beynəlxalq təşkilat arası ikitərəfli münasibətlərlə bağlı olmalıdır: “Yəni onlar Azərbaycanın daxili işlərinə qarışmamalıdırlar”.