“mənimçün ən gözəl titul Faiq Balağa oğlu Ağayevdir”

ATV kanalında “Ulduz oldun”verilişinin qonağı olan xalq artisti Faiq Ağayev maraqlı açıqlamaları ilə yadda qalıb.  

Verilişin aparıcısı Nanə Ağamalıyevanın suallarını cavablandıran müğənni özü ilə bağlı bəzi qaranlıq məqamlara aydınlıq gətirib.

Bir zamanlar həmkarı Aygün Kazimovayla yaranmış evlilik qalmaqalına xalq artisti belə münasibət bildirib: “Aygün Kazımovanı həmişə bir xanım və bir sənətçi kimi sevmişəm. Sənətdə onun əsl dostu mənəm”.

Səhnəyə ilk gəlişində paltarlarını anasının tikdiyini vurğulayan F.Ağayev atasının onun stilinə münasibət olaraq “kişilik sırğa ilə ölçülmür” deyimini də xatırladıb. F.Ağayev veriliş zamanı atası ilə bağlı xatirələri yada salarkən göz yaşlarına hakim ola bilməyib.

”Ən gözəl titul sizing üçün hansıdır” sualına cavabı “mənimçün ən gözəl titul Faiq Balağa oğlu Ağayevdir”-olub.

Xalq artisti vaxtilə küsülü olduğu müğənni həmkarı Zülfiyyə Xanbabayevanın otağına barışıq üçün gül göndərdiyini də etiraf edib.

Mirqayda Mahmudbəyli