Simsar.az | bizi özünüzə Simsar bilin
AKP-nin DEPUTATLARI CHP-dən 191, MHP-dən 272 NƏFƏR ÇOXDUR

Kamal Kılıcdaroğlu: “Seçkilərə qatılan partiyalar arasında millət vəkillərinin sayını artıran tək partiya CHP-dir”

12 iyun 2011-ci il tarixdə Türkiyə Cümhuriyyətində keçirilən parlament seçkilərində səssayma prosesi artıq başa çatıb.  

Nəticələrə görə, Türkiyə Böyük Millət Məclisində partiyaların əldə etdikləri millət vəkili mandatlarının sayı belədir:

AKP - 326
CHP - 135
MHP - 54
Müstəqil namizədlər - 35

Türkiyənin ana müxalifət partiyası olan Cumhuriyyətçi Xalq Partiyasının (CHP) baş katibi Kamal Kılıcdaroğlu Türkiyə Böyük Millət Məclisinə keçirilmiş seçkilərin ilkin nəticələrinin açıqlanmasından sonra ilk çıxışını edib.

"Ədalət və İnkişaf Partiyasına uğurlar diləyirik. Amma iqtidardakılar unutmasınlar ki, artıq daha güclü CHP var. Seçkilərə qatılan partiyalar arasında millət vəkillərinin sayını artıran tək partiya CHP-dir. 6 ay kimi qısa müddətdə seçicilərimizin sayını 3,5 milyon nəfər artıra bildik. Əsas məqsədimiz iqtidardır", - Kılıcdaroğlu deyib.

Türkiyədə səsvermə qutularının artıq 99,01 faizində səslər sayılıb.
Partiyalar üzrə yığılmış səslərin durumu belədir:

Ədalət və İnkişaf Partiyası (AKP) - 50,03 faiz
Cumhuriyyətçi Xalq Partiyası (CHP) -25,94 faiz
Milliyyətçi Xalq Partiyası (MHP) - 13,04 faiz
Səadət Partiyası (SP) - 1,22 faiz
Müstəqil millət vəkilləri - 6,57 faiz
Digərlər - 3,2 faiz

Ruslan

13 İyun, 2011  16:55 Baxılıb: 1886

Bu bölmədə