Elmar Məmmədyarov, Edvard Nalbandyan və Sergey Lavrov Moskvada görüşəcək

Bu gün Moskvada Azərbaycan, Ermənistan və Rusiya xarici işlər nazirlərinin Dağlıq Qarabağ münaqişəsinin nizamlanmasına dair növbəti görüşü keçiriləcək.

Simsar.az-ın məlumatına görə, nazirlər Elmar Məmmədyarov, Edvard Nalbandyan və Sergey Lavrov prezidentlərin iyunun 25-də Kazanda keçiriləcək üçtərəfli görüşünə hazırlıq prosesini müzakirə edəcəklər. 


Xatırladaq ki, ATƏT-in Minsk Qrupunun Rusiyadan olan həmsədri İqor Popov XİN başçılarının görüşündə prezidentlərə təqdim olunacaq yekun təkliflərin hazırlanacağını deyib: “Biz bu məsələdə Dovil bəyanatından çıxış edirik. O bəyanatda bildirilir ki, bu sənədin hazırlanması işimizə əlavə stimul vermiş olacaq. Güman edirik ki, Kazanda tərəflər konstruktiv mövqe nümayiş etdirəcəklər”.