Əsəd əməliyyatlara başladı

Bu gün səhər saatlarında Suriya ordusu 2 gün əvvəl 120 polis əməkdaşı və hərbçinin öldürüldüyü Cisr Əş-Şuğur şəhərində əməliyyata başlayıb. 

Simsar.az-ın “mignews.com” saytına istinadən verdiyi məlumata görə, bu barədə Suriya Dövlət Televiziyası məlumat yayıb. 

Zirehli texnikadan istifadə olunan əməliyyatda 30 min hərbçi iştirak edir. Suriya hakimiyyəti Türkiyə sərhədi yaxınlığındakı bu şəhərin qiyamçıların əsas dayağı olduğunu bəyan edib.

Suriyanın şimal rayonlarından isə Türkiyəyə qaçış başlayıb. Qaçqınların sayı 3 min nəfərə çatıb.