Baş nazirdən “Salaam Cinema Baku”nun binası ilə bağlı mühüm - QƏRAR
“Azərbaycan Respublikası ərazisində dövlət mühafizəsinə götürülmüş daşınmaz tarix və mədəniyyət abidələrinin əhəmiyyət dərəcələrinə görə bölgüsünün təsdiq edilməsi haqqında” Nazirlər Kabinetinin 2001-ci il 2 avqust qərarında dəyişikliklər edilib. Baş nazirin təsdiq etdiyi dəyişikliklərə əsasən, “Yerli əhəmiyyətli daşınmaz tarix və mədəniyyət abidələrinin siyahısı”nın “Memarlıq abidələri” bölməsinə aşağıdakı məzmunda 3166-1-ci və 3166-2-ci bəndlər əlavə edilib: “3166-1. İbadət evi, S.Rüstəm küçəsi, 10, 1913-cü il; 3166-2. Məscid, R.Rza küçəsi (34) ilə H.Aslanov küçəsinin (85) kəsişməsi”. Mədəniyyət Nazirliyi aidiyyəti qurumlarla birlikdə bu qərardan irəli gələn məsələləri həll edəcək. Qeyd edək ki, Süleyman Rüstəm küçəsi, 10 ünvanında yerləşən ibadət edi “Malakanların evi” kimi də tanınır. Hazırda binada “Salaam Cinema Baku” kinoteatrı fəaliyyət göstərir.
3 Avqust, 2019 11:07 ⁄ Baxılıb: 661
Bu bölmədə18 Aprel, 2024 Ağcabədi rayonunun 110 min manatlıq yolu... FOTO18 Aprel, 2024 “WhatsApp”da yeni funksiya var17 Aprel, 2024 Hadı Rəcəbli vəfat etdi15 Aprel, 2024 Çingiz Abdullayevin səhhəti ilə bağlı vəziyyət açıqlanıb |