Bakıda Formula 1 bolidlərinin son hazırlıqlar
Sabah start götürəcək Formula 1 Azərbaycan Qran Prisində bolidlərin son hazırlıq işləri aparılır. Verilən məlumata görə yarışda iştirak edəcək komandalar artıq Bakıdadır. Bu gün azarkeşlər pit-yolu gəzmək imkanı əldə ediblər. Müxtəlif ölkələrdən olan yüzlərlə azarkeş 350-400 km/saat sürətlə şütüyəcək bolidlərin hərəkət yoluna çıxaraq Formula 1 hazırlıqlarını müşahidə ediblər. Azarkeşlər pit-yola daxil olaraq komandaların yarışa hazırlığını izləyib, paddokdakı şəraitlə maraqlanıblar. Qeyd edək ki, Bakıda növbəti Formula 1 Azərbaycan Qran Prisi aprelin 28-dək davam edəcək. Formula 1 Bakıda 2016-cı ildən keçirilir. Şəhər trasının uzunluğu 6 kilometrdən bir qədər çoxdur. Trekin ən geniş sahəsi 13 metr, ən dar hissəsi isə İçərişəhər yaxınlığında, yeddi və səkkizinci döngələrdir – 7,6 metr. Start və finiş xətti “Azadlıq” meydanındadır.(trend)
25 Aprel, 2019 18:07 ⁄ Baxılıb: 5247
Bu bölmədə17 Yanvar, 2020 Doşabın faydaları14 Yanvar, 2020 Alimlər Günəş sisteminin əsas sirrini açıblar17 Dekabr, 2019 Zelenski Bakıda mühafizəçilərsiz oyuncaq mağazasında - FOTO29 Oktyabr, 2019 Günəş sistemində yeni planet tapıldı |