Bü gündən intensiv yağışlar başlayacaq - XƏBƏRDARLIQ
Azərbaycanın qərb rayonlarından başlayaraq, artıq qeyri-sabit hava şəraiti müşahidə olunmağa başlayıb. Bunu Ekologiya və Təbii Sərvətlər Nazirliyinin Milli Hidrometeorologiya Departamenti Hidrometeoroloji Proqnozlar Bürosunun direktoru Gülşad Məmmədova bildirib. Onun sözlərinə görə, Azərbaycanın rayonlarında martın 9-u gündüzdən martın 10-u gündüzədək hava şəraitinin qeyri-sabit keçəcəyi, arabir yağış, dağlıq ərazilərdə qar yağacağı, bəzi yerlərdə intensiv olacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Havanın temperaturu ötən günlərlə müqayisədə 5-8 dərəcə aşağı enəcək. Çaylarda sululuğun artacağı ehtimal olunur. Bakıda və Abşeron yarımadasında isə bu gün günün ikinci yarısından başlayaraq, havanın qeyri-sabit keçəcəyi - güclü şimal-qərb küləyinin əsəcəyi, arabir yağış yağacağı, bəzi yerlərdə intensiv olacağı gözlənilir. Havanın temperaturu ötən günlərlə müqayisədə 5-7 dərəcə aşağı enəcək. Qeyri-sabit hava şəraiti martın 10-u səhərədək davam edəcək. Martın 10-da gündüz artıq şimal-qərb küləyi mülayim şərq küləyi ilə əvəzlənəcək G.Məmmədova bildirib ki, martın 10-u gündüz və 11-də ölkədə hava mülayimləşəcək. artın 11-də havanın temperaturu bu günlə müqayisədə 2-3 dərəcə yüksələcək.(trend)
9 Mart, 2018 13:19 ⁄ Baxılıb: 898
Bu bölmədə18 Aprel, 2024 Ağcabədi rayonunun 110 min manatlıq yolu... FOTO18 Aprel, 2024 “WhatsApp”da yeni funksiya var17 Aprel, 2024 Hadı Rəcəbli vəfat etdi15 Aprel, 2024 Çingiz Abdullayevin səhhəti ilə bağlı vəziyyət açıqlanıb |