Xuraman Vəfa: "Ağlama ANA" - ŞEİRLƏR
Sən ağlasan yerlər göylər ağlayar, Belə için-için ağlama, ANA. Şikayət eləyib taledaən, bəxtdən, Başına qaranı bağlama, ANA. Dağlar sənə qurban, çən sənə qurban, Ağaran telimdə dən sənə qurban, Ölüm qabağında, mən sənə qurban, Sızlaya-sızlaya ağlama, ANA. Dünya satın olsa, alaram sənə, Qul, kölə ol desən, olaram sənə, Könül taxtımda yer salaram sənə, Dost-düşmən içində ağlama, ANA. Dərdini söyləmə dərdə gülənə, Dərdi Allah verir çəkə bilənə, Qoy başımı qoyum dağlı sinənə, Dərdinə qurbanam, ağlama, ANA Kaş təbib olaydım, loğman olaydım, Çarəsiz dərdinə çarə qılaydım, Yarana əlimlə məlhəm qoyaydım, Gücsüzəm qarşında, ağlama, ANA. Dərd vurub qəlbinə naxışlarını, Pərişan eləyib baxışlarını, Tütyətək içərəm göz yaşlarını, Amanın günüdür ağlama, ANA. Başına qaranı bağlama, ANA.
26 Yanvar, 2018 11:16 ⁄ Baxılıb: 3564
Bu bölmədə20 Fevral, 2024 Xalq artisti Leyla Şəripova vəfat edib – KİV25 Noyabr, 2023 İlham Qasımov Heydər Əliyev Sarayına direktor təyin olundu1 Noyabr, 2023 Aybəniz Haşımova və tələbələri Biləsuvarda6 Dekabr, 2022 Xurşidbanu Natəvan” tamaşasına baxış keçirilib. |