Simsar.az | bizi özünüzə Simsar bilin
Prezident jurnalistlər üçün üçüncü binanın tikilməsi haqqında sərəncam imzalayıb

Azərbaycan Prezidenti İlham Əliyev jurnalistlər üçün üçüncü binanın tikilməsinə 5 milyon manat ayrılması haqqında sərəncam imzalayıb.

Simsar.az xəbər verir ki, sərəncam ölkədə fəaliyyət göstərən kütləvi informasiya vasitələri əməkdaşlarının sosial müdafiəsinin gücləndirilməsi sahəsində həyata keçirilən tədbirlərin davam etdirilməsi məqsədi ilə imzalanıb.

1. Azərbaycanın kütləvi informasiya vasitələri əməkdaşlarının mənzil-məişət şəraitinin yaxşılaşdırılması və onlar üçün növbəti yaşayış evinin tikintisi ilə bağlı Azərbaycan Respublikasının 2017-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna ilkin olaraq 5,0 (beş) milyon manat ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.

19 İyul, 2017  19:00 Baxılıb: 1477

Bu bölmədə

16 Mart, 2024
Sabahın havası