IV İslam Həmrəyliyi Oyunlarının biletləri artıq satışda
Bu gün “Bakı-2017” IV İslam Həmrəyliyi Oyunlarının biletləri satışa çıxarılıb. Simsar.az bu barədə “Bakı-2017” IV İslam Həmrəyliyi Oyunlarının rəsmi saytına istinadən məlumat verir.
Bu münasibətlə martın 19-da Bakıda tədbir keçirilib. Tədbirdə “Bakı-2017”nin ulduz səfirləri Tünzalə Ağayeva və Hacı Nuran, idmançı səfirlər - ikiqat Paralimpiya çempionu, cüdoçu İlham Zəkiyev və taekvandoçu Fəridə Əzizova və paytaxtın qonaqları iştirak ediblər.
Qeyd edək ki, bu möhtəşəm tədbirdə bütün idman növləri üçün biletlərin qiyməti 2-5 AZN arasında dəyişəcək.
Xatırladaq ki, mayın 12-dən 22-dək Bakıda IV İslam Həmrəyliyi Oyunları təşkil olunacaq. Oyunlara dünyanın 55 ölkəsindən atletlər qatılacaq.
19 Mart, 2017 22:10 ⁄ Baxılıb: 1516
Bu bölmədə4 Dekabr, 2023 Heydər Əliyev ili çərçivəsində növbəti turnir20 Noyabr, 2023 Millimiz Avropa çempionatında rekordunu yenilədi4 Noyabr, 2023 Vüqar Nadirov yeni futbol klubu yaradıb |