Qərib Məmmədov: “İndi ekspertlər səviyyəsində işlər aparılır, müvafiq sənədlər təyin olunur, diplomatik kanallarla Gürcüstandan dəvət gözləyirik”

“Azərbaycan sərhədlərin delimitasiyası və demarkasiyası ilə bağlı Gürcüstandan diplomatik kanallarla dəvət gözləyir”.

APA-nın məlumatına görə, bu açıqlamanı jurnalistlərə Dövlət Torpaq və Xəritəçəkmə Komitəsinin sədri Qərib Məmmədov verib.

Azərbaycanla Gürcüstan arasında 480 kilometr sərhəd olduğunu xatırladan komitə sədri bunun 300 kilometrinin artıq razılaşdırıldığını, təxminən 180 kilometrin hələ razılaşdırılmamış qaldığını deyib: “İndi ekspertlər səviyyəsində işlər aparılır, müvafiq sənədlər təyin olunur, diplomatik kanallarla Gürcüstandan dəvət gözləyirik”