Əbülfəs Qarayev İndoneziya parlamentinin üzvləri ilə görüşüb
Mədəniyyət və turizm naziri Əbülfəs Qarayev İndoneziya parlamentinin Nümayəndələr Palatasının üzvləri ilə görüş keçirib. Nazirliyin informasiya və ictimaiyyətlə əlaqələr şöbəsindən APA-ya verilən məlumata görə, görüşdə Azərbaycan və İndoneziya arasında mədəniyyət və turizm sahələri üzrə əməkdaşlıq məsələləri müzakirə olunub. Ə. Qarayev İndoneziya Xalq Məsləhət Konqresinin sədr müavini Osman Sapta Odanq ilə keçirilən görüşü xatırladaraq həmin görüşdən sonra ölkə başçısının tapşırığı ilə İndoneziya vətəndaşlarına Azərbaycan Respublikasının bütün beynəlxalq statuslu hava limanlarında sadələşdirilmiş viza rəsmiləşdirilməsi təmin edildiyini bildirib. İndoneziya parlamentinin nümayəndələri qarşılıqlı əlaqələrə maraq göstərdiklərini, mədəniyyət və turizm sahələri üzrə konkret işlərin həyata keçirilməsinin vacibliyini qeyd ediblər. Görüş zamanı İndoneziyadan Səudiyyə Ərəbistanına ümrə ziyarətinə gedən şəxslərin turist kimi Azərbaycana səfərlərinin təşkili məqsədilə birgə fəaliyyət planının hazırlanmasına dair razılıq əldə olunub. Görşüdə iki ölkə arasında mədəniyyət və turizm sahələri üzrə əməkdaşlığa dair hüquqi normativ bazanın yaradılması istiqamətində ilkin layihələrin hazırlanması və İndoneziya tərəfinə təqdim olunmasına dair də qərar qəbul edilib.
22 Fevral, 2017 19:36 ⁄ Baxılıb: 1783
Bu bölmədə18 Aprel, 2024 Azərbaycan baleti İtaliya səhnəsində20 Fevral, 2024 Xalq artisti Leyla Şəripova vəfat edib – KİV25 Noyabr, 2023 İlham Qasımov Heydər Əliyev Sarayına direktor təyin olundu1 Noyabr, 2023 Aybəniz Haşımova və tələbələri Biləsuvarda |