Abdullah Saleh istefa ərizəsinə imza atmaqdan imtina etdi

Yəmən prezidenti Ali Abdullah Saleh istefaya getməsi ilə bağlı sənədi imzalamaqdan yenidən imtina edib. Saleh bazar günü sənədin imzalanmasına lap az qalmış bundan imtina edib. Əgər o, 30 gün ərzində istefaya getməyə razılaşsa, toxunulmazlığını saxlamış olacaqdı.

Yəmənin dövlət televiziyası məlumat verib ki, Ali Abdullah Saleh yalnız müxalifətin iştirakı ilə sənədi imzalayardı.

Artıq üçüncü dəfədir ki, Saleh istefa verməsi ilə nəticələnəcək sənədi imzalamaqdan imtina edib. Yəməndə üsyanlar zamanı 170-dən çox adam öldürülüb.

Ali Abdullah Saleh 32 ildir ki, hakimiyyətdədir.