“Mən onlardan qalibiyyət gözləmirdim”

“Eurovision 2011”-dəki qalibiyyətimizlə bağlı əməkdar artist, bəstəkar Gövhər Həsənzadə Simsar.az saytina həmkarlarından fərqli açıqlama verib. O deyib ki, bu dəfəki istirakcilar Eldar Qasımov və Nigar Camaldan qalibiyyət gözləmirdi: “Mahnı haqqında heç nə deməyəcəyəm. Ancaq “Day after Day” mahnısından çox fərqlənir. “Eurovision”da olan ilk cixişimiz sadəcə özünü təqdimetmə rolunu oynayırdı”.  

G.Həsənzadənin fikrincə, müsabiqədə əsas məqsəd Avropa tamaşaçısına Azərbaycanı tanıtmaq və onların ölkəmizə gətirilməsini təmin etməkdir: “Mən ona görə ikincilik arzulayırdım ki, Azerbaycanda təmir bərpa işləri gedir. Növbəti mərhələdə qalib gələcəyimiz təqdirdə artıq bu işlər də sona çatmış olardı”.

Bəstəkar onu da vurğuladı ki, ötən müsabiqədə Safurə Əlizadənin çıxışı olduqca möhtəşəm alınıb: “Mən bu çıxışı qəhrəmanlıq adlandırıram. Amma ifacinin kim olmasindan asili olmayaraq, əsas nəticədir. Mən xalqımızı bu nəticə münasibəti ilə təbrik edirəm”.


Mirqayda Mahmudbəyli