Ölən və yaralananlar var

Mayın 20-nə keçən gecə yerli vaxtla saat 02.00 radələrində Türkiyədə 5,9 bal gücündə zəlzələ baş verib. 

Simsar.az-ın “Habertürk”ə istinadən verdiyi məlumata görə, Kütahyanın Simav qəsəbəsi yaxınlığında qeydə alınana yeraltı təkanlar nəticəsində 2 nəfər ölüb, 100 nəfər isə müxtəlif dərəcəli xəsarətlər alıb. Məlumatda bildirilir ki, ölənlər dağıntı altında qalmayıb. Onlardan biri infarktdan, digəri isə həyəcanlanaraq binadan tullanması nəticəsində dünyasını dəyişib.

Bölgədə 5 mərtəbəli bina uçub, həmçinin iki məscid minarəsi də aşıb. Hadisə yerinə xeyli sayda xilasedicilər və tibbi briqadalar cəlb olunub. Uçqun altında kiminsə qalıb-qalmaması barədə məlumat yoxdur.