İlham Əliyev məktəbin təmiri ilə bağlı tədbirlər haqqında sərəncam imzalayıb.

Mərdəkan qəsəbəsində yerləşən 123 saylı ümumtəhsil məktəbi əsaslı təmir olunacaq


Azərbaycan Respublikası prezidenti İlham Əliyev Bakı şəhəri Xəzər rayonunun Mərdəkan qəsəbəsində yerləşən və 1896-cı ildə məşhur mesenat Hacı Zeynalabdin Tağıyevin tikdirdiyi 123 saylı ümumtəhsil məktəbi binasının əsaslı təmiri ilə bağlı tədbirlər haqqında sərəncam imzalayıb. Simsar.az-ın “AzərTAc”a istinadən verdiyi məlumata görə, sərəncamda qeyd olunur ki, Mərdəkan qəsəbəsindəki 123 saylı ümumtəhsil məktəbi binasının əsaslı təmiri üçün Bakı şəhərinin Xəzər rayonu İcra Hakimiyyətinə Azərbaycan Respublikasının 2011-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan 1 milyon manat vəsait ayrılsın. 

Maliyyə Nazirliyinə nəzərdə tutulmuş vəsaitin maliyyələşdirilməsini müəyyən olunmuş qaydada təmin etmək tapşırılıb.