SMS göndərən zibil qutusu

Bu inkişaf şübhəsiz ki, tullantıların toplanması və emalından da yan keçməyib. Simsar.az-ın “7sur7.be” saytına istinadla xəbərinə görə, Paris ətrafında yeni nəsil zibil qutularının sınağı uğurla başa çatıb. əhalinin sıx hərəkət etdiyi yerlərdə quraşdırılan bu zibil qutularının Bakı küçələrindəki analoqlarından fərqi nədir?

Günəş batareyaları ilə qidalanan bu zibil qutuları tullantıları presləyir, dolduqda isə mərkəzə SMS göndərir. Bütün bunlar tam avtomatik rejimdə baş verir. Bununla da zibil qutularının dolub-daşması və ətrafın zibillənməsi məsələsinin qarşısı alınmış olur. Preslənmə həmçinin daşınma xərclərinin də azaldılmasına kömək edir.

Şəhər bələdiyyələri yeni zibil qutularının sayını artırmaq niyyətindədir.

PS. Görəsən bu tip zibil qutularını Bakıya gətirməklə zibilliklərin və “Bura zibil atanın...” yazılarının sayını azaltmaq olarmı?