"Biz əməkdaşlığımızı daha da genişləndirə bilərik"

Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyeva mayın 4-də Müasir İncəsənət Muzeyində Fransanın məşhur Luvr Muzeyinin direktoru Anri Luaret ilə görüşüb.

AzərTac-ın məlumatına görə Fransanın dünyaca məşhur muzeyinin direktorunu Bakıda salamlamaqdan məmnun olduğunu bildirən Mehriban xanım Əliyeva Azərbaycan ilə Luvr Muzeyi arasındakı sıx əlaqələrdən danışıb. Mehriban Əliyeva bildirib ki, Luvr Muzeyində bir neçə dəfə Azərbaycanla bağlı tədbirlər keçirilib. O, qeyd edib ki, Azərbaycan dövləti Luvr Muzeyində aparılan bərpa işlərinə maddi dəstək verib: "Biz əməkdaşlığımızı daha da genişləndirə bilərik".  Azərbaycanın birinci xanımı qonağı ölkəmizin qədim və zəngin mədəniyyəti barədə məlumatlandırıb.

Görüşdə muzey sərvətlərinin saxlanılması, onların qorunması sahəsində, eləcə də materialların toplanmasında təcrübə mübadiləsi məsələləri müzakirə edilib.