Tədbirə Azərbaycan və Türkiyə diasporlarının nümayəndələri ilə yanaşı, alman ictimaiyyətinin nümayəndələri də dəvətlidir

Berlində ümummilli lider Heydər Əliyevin anadan olmasının 88-ci ildönümünə həsr olunmuş tədbir keçiriləcək. Bu barədə  Simsar.az -a Diasporla İş üzrə Dövlət Komitəsinin mətbuat xidmətindən məlumat verilib.

Mayın 10-da Almaniya Azərbaycanlılarının Koordinasiya Mərkəzi və "Atatürkçü Düşüncə Dərnəyi Berlin- Brandenburq"un birgə təşkilatçılığı ilə baş tutacaq tədbir Türk Evində keçiriləcək.

Tədbirdə görkəmli dövlət və siyasi xadim Heydər Əliyevin Azərbaycan-Türkiyə əlaqələrinin yeni səviyyədə davam və inkişaf etdirilməsi istiqamətində apardığı fəaliyyətdən, gördüyü işlərdən bəhs olunacaq. Tədbirə Azərbaycan və Türkiyə diasporlarının nümayəndələri ilə yanaşı, alman ictimaiyyətinin nümayəndələri də dəvətlidir.