“Porsche” şirkəti “918 Spyder” modeli barədə yeni məlumat yayıb

Simsar.az-ın “voitureelectrique.net”ə istinadla xəbərinə görə, 2010-cu ildə Cenevrədə təqdim edilmiş avtomobil hibrid sistemlə təchiz olunub. İstehsalçı avtomobilin hər 100 km-ə cəmi 3 litr (!) yanacaq sərf etdiyini iddia edir. Avtomobildə 500 at gücü benzin mühərrik və 2 ədəd elektrik mühərriki (218 at gücü) quraşdırılıb. Maksimal sürəti 320 km/saat olan avtomobil 100 km/saata cəmi 3.2 saniyəyə çatır. Yalnız elektrik mühərrikləri işlədikdə isə maksimal sürət 150 km/saat təşkil edir.

Cəmi 918 ədəd buraxılacaq “Spyder” üçün artıq sifarişlər qəbul edilir. İlk sifariş verənlər avtomobili 2013-cü ilin payızında əldə edə biləcəklər. Avtomobilin satış qiyməti (bütün vergilər xaric) 650 000 avrodur. daşınma xərcləri və vergiləri də əlavə etsək, milyona yaxın bir məbləğin alınacağı şübhə doğurmur.