Fransa prezidenti  yerüstü hərbi əməliyyatlardan imtina etdi

Fransa prezidenti Nikola Sarkozi Liviyada yerüstü hərbi əməliyyat keçirilməsini istisna edib.

APA-nın “RİA Novosti”yə istinadən yaydığı xəbərə görə, N. Sarkozi Romada İtaliyanın baş naziri Silvio Berluskoni ilə keçirdiyi mətbuat konfransında bildirib ki, yerüstü əməliyyat BMT Təhlükəsizlik Şurasının qərarına ziddir, lakin bu qətnamə Liviyaya kəşfiyyat dəstələri və hərbi ekspertlər göndərməyə imkan verir.