PrezidentTürkiyənin quru qoşunları komandanı Erdal Ceylanoğlunu qəbul edib
Görüşdə ölkələr arasında hərbi əməkdaşlığın vacibliyi vurğulanıb Azərbaycan prezidenti İlham Əliyev Türkiyənin quru qoşunları komandanı Erdal Ceylanoğlunun başçılıq etdiyi nümayəndə heyətini qəbul edib. APA-nın məlumatına görə, Azərbaycan ilə Türkiyə arasında əlaqələrin bütün istiqamətlərdə çox yüksək səviyyədə olduğunu vurğulayan dövlət başçısı ölkələrimizin hərbi sahədə də yaxşı işbirliyinin yaradılmasından məmnunluğunu bildirib. Prezident İlham Əliyev Türkiyənin quru qoşunları komandanı Erdal Ceylanoğlunun səfər proqramı çərçivəsində keçirəcəyi görüşlərdə səmərəli müzakirələr aparılacağına əminliyini ifadə edib. Qarşılıqlı səfərlərin önəmini qeyd edən prezident İlham Əliyev Erdal Ceylanoğlunun ölkəmizə səfərinin uğurlu keçəcəyinə və Azərbaycan-Türkiyə əlaqələrinin daha da inkişaf etdirilməsi işinə xidmət edəcəyinə ümidvar olduğunu deyib. Türkiyənin quru qoşunları komandanı Erdal Ceylanoğlu Azərbaycan ilə Türkiyə arasında əlaqələrin müxtəlif sahələrdə, o cümlədən hərbi sahədə uğurla inkişaf etdiyini vurğulayıb və bu münasibətlərin bundan sonra daha da genişlənəcəyinə əminliyini ifadə edib.
20 Aprel, 2011 00:00 ⁄ Baxılıb: 1155
Bu bölmədə26 Aprel, 2024 İlham Əliyev Berlindədir17 Aprel, 2024 İlham Əliyev qəbul keçirdi |